Inspektorati Policor i Kosovës ka arrestuar dy zyrtarë të Njësisë së Trafikut Rrugor në Pejë, pasi dyshohet se i kanë kërkuar para një qytetari në këmbim të mos shqiptimit të një gjobe.
Sipas IPK-së, pas marrjes së informatave nga qytetari dhe veprimeve hetimore, zyrtarët janë arrestuar për veprën penale “marrje ryshfeti” dhe janë ndaluar për 48 orë me vendim të prokurorit.
IPK ka rekomanduar suspendimin e tyre për të parandaluar ndikimin në hetime dhe thekson se veprimet e mëtejme do të ndërmerren në koordinim me prokurorinë.
