Zëvendësministri në detyrë i Infrastrukturës, Hysen Durmishi, ka bërë të ditur se sot ka filluar asfaltimi i urës së re mbi lumin Ibër, së bashku me rrugët lidhëse në të dy anët – në jug dhe në veri të lumit.
Përmes një postimi në Facebook, Durmishi tha se tashmë kanë kaluar 54 ditë që nga fillimi i punimeve dhe projekti po ecën me ritëm të mirë.
“Vetëm 54 ditë prej kur filluam. Sot po shtrohet asfalti në urë dhe rrugët që e lidhin urën në jug e veri të Ibrit”, shkroi ai, duke publikuar edhe fotografi nga vendi i ngjarjes./ATVLIVE/
