Digjet një xhami në Shqipëri, shkaktohen dëme të mëdha

Një zjarr i madh ka përfshirë një xhami në fshatin Shupenzë të Bulqizës në Shqipëri, duke shkaktuar dëme të konsiderueshme materiale.

Sipas raportimeve të mediave shqiptare, flakët shpërthyen rreth orës 06:00 të mëngjesit të sotëm, vetëm 10 minuta pas largimit të hoxhës nga xhamia.

Pavarësisht ndërhyrjes së shpejtë të zjarrfikësve dhe forcave të policisë, zjarri ka qenë i pamundur të shuhet me kohë.

Aktualisht, forcat e rendit dhe grupi hetimor janë në vendngjarje për të zbuluar shkaqet e shpërthimit të zjarrit.