Dështon tentimi i 30-të, seanca e radhës mbahet të premtën në ora 11:00

Ka dështuar edhe përpjekja e 30-të për konstituimin e Kuvendit të Kosovës.

Shkak i dështimit sërish ishte mungesa e votave për formimin e një komisioni për votim të fshehtë. Propozimi mori vetëm 52 vota PRO, nga 93 deputetë sa ishin të pranishëm në sallë, numër i pamjaftueshëm për të kaluar këtë pikë.

Seanca u ndërpre, ndërsa tentimi i radhës është caktuar për të premten në orën 11:00.

Në hapje të seancës, deputetët nderuan me një minutë heshtje vdekjen e ish-kryeministrit të qeverisë në ekzil, Bujar Bukoshi. /atvlive.tv