Përfaqësuesja e Kosovës në futboll do të zhvillojë ndeshjen e radhës kualifikuese për Kampionatin Botëror 2026, të hënën më 13 tetor, ndaj Suedisë.
UEFA ka caktuar një treshe gjyqtarësh nga Holanda për ta ndarë drejtësinë në këtë përballje.
Gjyqtar kryesor do të jetë Danny Makkelie, ndërsa asistentët e tij do të jenë Hessel Steegstra dhe Jan de Vries.
Në VAR do të jetë Clay Ruperti, i ndihmuar nga Erwin Blank, ndërsa gjyqtar i katërt është caktuar Allard Lindhout.
Ndeshja Suedi – Kosovë do të luhet në stadiumin “Nya Ullevi” në Goteborg, me fillim nga ora 20:45. /ATVLIVE.TV
