Jennifer Aniston njihet për trupin e saj të tonifikuar dhe, ndërsa feston 57-vjetorin, ajo vazhdon të ketë një nga format më të admirueshme në Hollywood.
Aktorja ka treguar më herët se është e përkushtuar ndaj një stili jetese të shëndetshëm dhe holistik, duke ndjekur një dietë të pasur me proteina, me pak karbohidrate dhe me pak sheqer. Ajo është shumë e kujdesshme për çdo gjë që konsumon, si edhe për pushimin dhe gjumin e mjaftueshëm.
Jennifer praktikon agjërimin me ndërprerje, duke qëndruar 16 orë pa ngrënë dhe duke konsumuar ushqimin brenda një periudhe tetë-orëshe, zakonisht nga ora 10:00 deri në 18:00. Çdo mëngjes e nis me një filxhan ujë të ngrohtë me limon, i ndjekur nga kafe me qumësht me pak yndyrë.
Për mëngjes, ajo zgjedh mes tërshërës me të bardha veze, një shake me proteina ose vezë të përgatitura në mënyra të ndryshme. Ajo ka treguar se shton të bardhë veze në tërshërë pak para se të mbarojë gatimi, për t’i dhënë më shumë proteina dhe një teksturë më të butë.
Sa i përket shake-ut me proteina, Jennifer ka zbuluar se përfshin banane, qershi, manaferra, pluhur zarzavatesh, kolagjen, pak kakao, stevia me shije çokollate dhe qumësht bajameje me çokollatë.
Dreka e saj e preferuar është ton i freskët (ahi tuna) me sallatë kastraveci dhe thjerrëza, ndërsa përdor aminoacide Bragg’s në vend të salcës së sojës. Për mesvakte, zgjedh vezë të ziera, shkopinj djathi ose një filxhan supë.
Në darkë, zakonisht konsumon pulë të pjekur me kungulleshka të prera në formë spirale dhe salcë pesto. Megjithatë, ajo pranon se çdo dy javë i lejon vetes një pjatë me makarona karbonara.
Aktorja ka theksuar se herë pas here i jep vetes një “ditë shpërblimi”, pasi në të kaluarën kishte qenë tepër strikte me regjimin ushqimor.
