Bytyqi: Luftimi i korrupsionit kërkon reforma ligjore
Asdren Bytyqi, kandidat për deputet nga Lista për Familjen, në emisionin COMPASS në ATV, shpalosi planin për luftimin e korrupsionit, duke theksuar rëndësinë e reformave ligjore dhe rritjes së mbështetjes financiare për institucionet e drejtësisë.
Bytyqi tha se lufta kundër korrupsionit kërkon investime të mëdha në burime teknike dhe njerëzore, duke përfshirë policinë, hetuesit dhe prokurorët.
Reklamë
“Ne do ta rrisim buxhetin për Këshillin Prokurorial, gjykatat, policinë dhe institucionet tjera të sigurisë”, deklaroi ai.
Ai tha se reformat ligjore janë kyçe dhe propozon përfshirjen e shoqërisë civile në Këshillin Prokurorial për më shumë transparencë.
“Reforma ligjore duhet të përfshijë ndryshimin e ligjit për Këshillin Prokurorial, duke shtuar anëtarë nga shoqëria civile për ta bërë më transparent dhe të mbikëqyrur”, tha Bytyqi.
Deklaratën e plotë të Asdren Bytyqit në COMPASS e gjeni në videon më poshtë:
Reklamë
