Burime të ATV-së raportojnë se ka të plagosur edhe nga ana e sulmuesve
Një krizë e re e ka kapluar veriun e Kosovës. Grupe të armatosura kanë kryer sulmet sot në drejtim të Policisë së Kosovës, ku zyrtari policor me gradën e rreshterit, Afrim Bunjaku ka mbetur i vrarë në fshatin Banjskë të Leposaviqit, ndërsa një tjetër zyrtar policor kufitar është plagosu.
Burime të ATV-së nga vendi i ngjarjes raportojnë se ka të plagosur edhe nga ana e sulmuesve.
Reklamë
Ndërkohë, rreth 30 minuta më parë, në vend të ngjarjes ka vazhduar te ketë të shtëna të kohë pas kohshme.
Këtë e ka konfirmuar gazetari i ATV-së nga vendi i ngjarjes.
“Prej pozitës ku jemi, te udhëkryqi ku çon për në brendësi të fshatit Banjë, që është afër vendit ku ka ndodhur edhe sulmi, ka më shumë se gjysmë ore që jemi këtu prezent dhe vazhdimisht ka të shtëna të shumta që duken rafalë të ndryshme që vinë prej armëve të ndryshme që nuk janë shumë larg. Kemi një kodër para dhe menjëherë prapa kodrës, aty ku është manastiri i Banjskës”, raportoi gazetari i ATV-së nga vendi i ngjarjes.
Reklamë
