Brooklyn Beckham po përpiqet të mbajë një raport të afërt me motrën e tij 14-vjeçare, Harper, edhe pse marrëdhëniet brenda familjes Beckham janë përkeqësuar ndjeshëm. Burime të afërta me të bëjnë të ditur se ai ka zgjedhur ta mbështesë motrën, duke e mbajtur atë larg përplasjes që ka me prindërit.
Raporti i Brooklyn me Victoria dhe David Beckham vazhdon të jetë i tensionuar. Në reagime publike në rrjetet sociale, ai i ka akuzuar prindërit se kanë tentuar vazhdimisht të ndërhyjnë dhe të dëmtojnë martesën e tij me aktoren Nicola Peltz, si dhe se kanë ndikuar në mënyrën se si media ka pasqyruar konfliktin familjar.
Brooklyn ka lënë të kuptohet se nuk është i interesuar për një pajtim me prindërit e tij dhe se synon të ndërtojë jetën e tij i pavarur, pa ndikimin e tyre. Ndryshe nga ky qëndrim, ai po përpiqet të ruajë një lidhje të shëndetshme me Harper-in, duke shmangur përfshirjen e saj në debatet familjare.
Sipas raportimeve, përçarja brenda familjes ka zgjatur prej muajsh, ndërsa disa burime sugjerojnë se Brooklyn ka kufizuar kontaktet me disa anëtarë të familjes, përfshirë edhe në rrjetet sociale.
Konflikti ka tërhequr vëmendjen e mediave ndërkombëtare dhe duket se ende nuk ka shenja për një zgjidhje të shpejtë. Ndërkohë, publiku dhe fansat vazhdojnë të ndjekin nga afër zhvillimet në familjen e njohur Beckham.
