Arsenali ka arritur një fitore të rëndësishme në kuadër të xhiros së katërt të Premier Ligës, duke mposhtur Nottingham Forest me rezultat të pastër në stadiumin “Emirates”. Ndeshja përfundoi me shifrat 3-0, me mesfushorin spanjoll Martín Zubimendi që ishte figura kyçe e takimit.
Zubimendi realizoi dy gola, duke treguar formë të lartë dhe kontribut të çmuar në mesin e fushës, ndërsa gol për “Topçinjtë” shënoi edhe sulmuesi suedez Viktor Gyökeres, i cili vazhdon paraqitjet pozitive me fanellën e Arsenalit. Ky ishte goli i tij i tretë sezonal, duke e konfirmuar si një nga lojtarët më në formë të ekipit deri më tani.
Me këtë fitore, Arsenali ngjitet përkohësisht në krye të tabelës në Premier Ligë me 9 pikë pas tri fitoreve në katër ndeshje, ndërsa Nottingham Forest mbetet në pozitën e 11-të me 4 pikë të grumbulluara.
Forma e mirë e skuadrës së drejtuar nga Mikel Arteta dhe kontributi i lojtarëve të rinj po i japin Arsenalit shpresa reale për një sezon të suksesshëm.
