Arrestohet një burrë në Prishtinë, i rrahu dhe kërcënoi me armë vëllanë dhe kunatën

Një burrë është arrestuar në Prishtinë, pasi që i kishte sulmuar fizikisht dhe kërcënuar me armë vëllain dhe kunatën. E gjithë kjo kishte ardhur si pasojë e një mosmarrëveshjeje rreth një prone.

Gjatë kontrollit tek i dyshuari është gjetur dhe sekuestruar substancë e dyshuar narkotike e llojit marihuanë.

“Rr. “Kamer Loshi”, Prishtinë 05.03.2025-13:53. Është arrestuar i dyshuari mashkull kosovar, pasi që ai pas një mosmarrëveshjeje rreth një prone kishte kanosur me armë dhe kishte sulmuar fizikisht vëllanë dhe kunatën e tij. Gjatë kontrollit tek i dyshuari është gjetur dhe sekuestruar substancë e dyshuar narkotike e llojit marihuanë. Ai pas intervistimit me vendim të prokurorit është dërguar në mbajtje”, thuhet në njoftimin e policisë.