Arrestohet i dyshuari që u shpall në kërkim për kanosje

Pa u bërë 24 orë nga kërkesa e Policisë së Kosovës për bashkëpunim me qytetarët për identifikimin e një personi të dyshuar për kanosje në Prizren, i njëjti është identifikuar dhe ka përfunduar në prangat e Policisë. I dyshuari tashmë në ndalim policor.

Siç mëson Sinjali, i dyshuari që u zbulua nga Policia është E.Q ndaj të cilit kanë nisur hetimet për veprën penale ‘Kanosje’.

Ai është arrestuar dhe shoqëruar në stacion policor, ku është intervistuar nga hetuesit policorë, për veprën me të cilën ngarkohet.

Ndaj tij, Prokurori i Shtetit ka urdhëruar masën e ndalimit policor dhe ndërmarrjen e veprimeve të tjera brenda afatit ligjor.