Ansambli “Shota” sjell program artistik në shënim të 18 vjetorit të Pavarësisë së Kosovës

Ansambli Kombëtar i Këngëve dhe Valleve “Shota” do të shënojë 18-vjetorin e Pavarësisë së Republikës së Kosovës me një program të pasur artistik, duke sjellë në skenë artin, traditën dhe krenarinë tonë kombëtare.

Nga sot e deri më 9 shkurt 2026, zhvillohet programi edukativo–argëtues me nxënës, i realizuar në ambientet e Ansamblit “Shota”, si pjesë e aktiviteteve për festën e Pavarësisë.

Më 16 shkurt nga ora 19:00, mbahet koncert festiv në Shtëpinë e Kulturës “Xhemali Berisha” – Prizren.

Ndërsa 17 shkurti vjen me një program artistik për shënimin e Ditës së Pavarësisë së Kosovës.

Ky ansambël vazhdon të jetë zë dhe shpirt i festave kombëtare, duke përcjellë mesazhin e lirisë, unitetit dhe identitetit shqiptar.