Aksident në Suharekë, vetura godet këmbësorin pranë stacionit të autobusëve

Një aksident trafiku ka ndodhur pranë stacionit të autobusëve në Suharekë, sot në mëngjes rreth orë 7:30. Për pasojë një këmbësor ka pësuar lëndime trupore pasi u godit nga një automjet.

Menjëherë pas aksidentit, në vendin e ngjarjes kanë dalë njësitë e Policisë dhe ambulanca, të cilat kanë ofruar ndihmën e parë mjekësore.

Sipas informacioneve të para, këmbësori nuk është në rrezik për jetën, ndërsa pas trajtimit fillestar në Qendrën Kryesore të Mjekësisë Familjare në Suharekë, i lënduari është transferuar në Spitalin e Prizrenit për ekzaminime të mëtejshme mjekësore.

Policia ka nisur hetimet për të sqaruar rrethanat e aksidentit dhe përgjegjësinë e palëve të përfshira.