Afrim Gashi është kryetari i ri i Kuvendit të Maqedonisë së Veriut

Deputeti i Koalicionit VLEN, Afrim Gashi është zgjedhur kryetar i Kuvendit të Maqedonisë së Veriut.

Gashi është propozuar si kandidat për kryetar Kuvendi nga 75 deputetë të shumicës së re.

PËR Gashin votuan 76 deputetë, 6 kundër dhe asnjë të përmbajtur.

Gashi ka qenë bartës i listës së deputetëve të VLEN në zonën e dytë zgjedhore.

Deri ditën e djeshme (27 maj) ai ka qenë kryetar i partisë Alternativa.