Një burrë 50-vjeçar nga Kosova u rrah për vdekje me shkop bejsbolli të dielën në qytetin Annecy (Haute-Savoie) të Francës.
Sipas policisë, një hetim për vrasje me dashje është hapur pas këtij rasti, raportoi AFP. Incidenti ndodhi rreth orës 13:30 të 9 nëntorit. Viktima u godit në fytyrë nga një ose më shumë persona, të cilët më pas ikën në këmbë nga vendi i ngjarjes.
Mediat franceze raportojnë se burri rreth të pesëdhjetave u dërgua në spital, por ndërrimi i tij i jetës erdhi si pasojë e plagëve të marra.
Hetimi, i hapur për vrasje me dashje, i është besuar Divizionit të Krimit të Organizuar dhe të Specializuar (DCOS).
