Trajneri Bylbyl Sokoli, kandidat në listën e Lëvizjes Vetëvendosje për zgjedhjet e 9 shkurtit, në emisionin COMPASS në ATV, foli për largimin e tij nga pozita e kryetrajnerit të KF Drenica dhe përkushtimin ndaj politikës.
Ai tha se vendimi për t’u larguar nga Drenica, klub që aktualisht udhëheq tabelën e kampionatit, ishte i vështirë, por i domosdoshëm.
“Pas kësaj oferte në politikë, thashë se është koha që kontributi im të jetë i pranishëm aty. I kam njoftuar udhëheqësinë dhe futbollistët për vendimin tim, kuptohet që nuk e kanë ndi veten mirë,” tha Sokoli.
Sokoli tha se angazhimet e dyfishta do të ishin të pamundura.
“Nuk mund të jem i përkushtuar në trajnim dhe njëkohësisht në politikë. Për këtë arsye, kam vendosur të përqendrohem plotësisht në këtë sfidë të re,” u shpreh ai.
Intervistën e plotë me Bylbyl Sokolin në emisionin COMPASS, e gjeni në videon më poshtë:
