17.1 C
Pristina
Wednesday

Prokuroria nis hetimet për pajisjen me pasaportë diplomatike të Valdrin Sahitit

Prokuroria e Shtetit i ka bartur Prokurorisë Themelore në Prishtinë kërkesën për të hetuar pajisjen me pasaportë diplomatike të disenjatorit Valdrin Sahiti.

Kjo është bërë e ditur nga këshilltari i kryeministrit, Albin Kurti, Durim Berisha.

Duhet përkujtuar që fakti se Valdrin Sahiti posedon pasaportë diplomatike u bë publik javë më parë.

Madje Sahiti nuk kishte hezituar të fliste për këtë çështje duke pyetur nëse “E meriton apo jo”.

Valdrin Sahiti thuhet se ndër vite është i pajisur me pasaportë diplomatike, gjë të cilën jo çdokush mund ta ketë.

Lidhur me këtë nga Presidenca e Kosovës kanë deklaruar se presidentja nuk i ka lëshuar pasaportë diplomatike askujt, asnjëherë.

Bekim Kupina, Këshilltar i Presidentes Vjosa Osmani, ka theksuar se pyetjet e tilla duhet t’iu parashtrohen qeverisë paraprake.

“Presidentja as nuk lëshon e as nuk merr pasaporta diplomatike. Pra nuk i ka lëshuar pasaportë diplomatike asnjëherë askujt. Për qindra pasaporta të raportuara në media, pyetjet duhet të drejtohen tek Qeveria paraprake, sepse janë lëshuar gjatë qeverisjes së tyre”, ka shkruar këshilltari i Osmanit.

 

 

REKLAMËspot_imgspot_img

ARTIKULL I SPONSORIZUAR

PUBLIKUAR SË FUNDMI
spot_img
NGJARJE TË TJERA
REKLAMËspot_img