20.7 C
Pristina
Tuesday
spot_img

Vrasja e 27 vjeçarit në Tiranë, në makinë iu vendos gjysmë kilogramë eksploziv C4

Gjysmë kilogramë lëndë eksploziv e llojit C4 ishte vendosur në makinën e Aleksandër Sadikajt, që vdiq një ditë më parë. Lënda plasëse u aktivizua në distancë, kur mjeti po lëvizte në dalje të Tiranës.

Gjysmë kilogramë lëndë eksploziv e llojit C4 ishte vendosur në makinën e Aleksandër Sadikajt, që vdiq një ditë më parë. Lënda plasëse u aktivizua në distancë, kur mjeti po lëvizte në dalje të Tiranës.

Hetimet kanë nxjerrë një tjetër detaje nga ngjarja që tronditi të shtunën kryeqytetin. Sadikaj ishte i armatosur, gjë që shton dyshimet se ai ndihej i kërcënuar. Por arma nuk i shërbeu, pasi atentatorët kishin llogaritur një plan më të sofistikuar mafioz.

Mjeti i tipit “Volswagen” që u dogj plotësisht, policia ka gjetur një armë zjarri pistoletë bashkë me një karikator të mbushur. Për shkak të shpërthimit, arma është dëmtuar, por gjithsesi është dërguar në laborator për ekzaminim.

Megjithatë, policia nuk është ende e sigurt nëse 27-vjeçari ishte objektiv i sulmit pasi mjeti në të cilin u vendos lënda plasëse nuk ishte në emrin e tij. Por, për zbardhjen e ngjarjes policia është fokusuar te e shkuara kriminale e viktimës.

Një grup hetimor i ngritur për zbardhjen e ngjarjes në bashkëpunim me familjarë të viktimës për të ndërtuar një hartë të lëvizjeve me makinë që 27-vjeçari ka bërë ditët e fundit për të zbuluar momentin kur në mjet pas gomës së përparme ishte vendosur eksplozivi, i cili dyshohet se ka qenë i telekomanduar. Autorët dyshohet se e kanë ndjekur në distancë 27-vjeçarin dhe kur mjeti i tij ka qenë në autostradën Tiranë-Elbasan dhe pranë tij nuk ka pasur mjete të tjera e kanë shpërthyer.

Sadikaj me origjinë nga Berati e ndante jetën mes Tiranës ku jetonte së fundmi dhe Memaliajt ku kishte ndërtuar një biznes agroturizmi prej më shumë se 1 viti.

27-vjeçari, prej vitit 2011 rezulton të të jetë arrestuar pesë herë nga policia për vjedhje plagosje, tentative vrasje dhe kundërshtim dhe mosbindje ndaj policisë, raporton TCh.

Konfliktin më serioz e ka pasur në Sarandë në korrik të vitit 2019 kur për motive të dobëta është konfliktuar me një person duke e plagosur rëndë me thikë.

Burime nga policia thanë se i riu dyshohet i implikuar edhe në trafikun e narkotikëve dhe rezulton se këtë aktivitet e kryente dhe në Greqi ku udhëtonte shpesh.

spot_imgspot_img

ARTIKULL I SPONSORIZUAR

PUBLIKUAR SË FUNDMI
spot_img
NGJARJE TË TJERA
spot_img