Ankesa për vonesë nga Prokuroria, avokati i Thaçit: Jemi shumë të shqetësuar

spot_img

Avokatit Luka Misetic, i cili po e mbron juridikisht ish-presidentin e Kosovës, Hashim Thaçi në Hagë, s’i ka pëlqyer aspak fakti që Prokuroria kërkoi që të zgjatet afati për ta nxjerrë raportin e ekspertëve në rastin ndaj Thaçit dhe të tjerëve.

Misetic tha se mbrojtja duhet ta shoh qasjen e Prokurorisë përpara se t’i shoh raportet e ekspertëve për rastin. Ai përsëriti se Prokuroria kishte kërkuar që gjykimi të niste në korrik, ndërkaq që nuk është përgatitur ende vetë.

“Ne vazhdojmë të jemi të shqetësuar lidhur me nxjerrjen e raportit të ekspertëve. Supozohej të niste gjykimi në korrik… Mbrojtja nuk do të ketë mundësi t’i shoh të gjitha këto raporte pa pasur më parë çështjen e Prokurorisë lidhur me çdo viktimë”, tha Misetic.

“Dua të shohim akuzat përpara se të japim përgjigjen tonë”, theksoi avokati kroato-amerikan.

Ai tha se kjo do të ndikojë në përgatitjet e mbrojtjes për të qenë gati për gjykim.

Paraprakisht, nga Zyra e Prokurorit të Specializuar kërkuan që gjykatësi Nicolas Guillou t’ua shtojë afatin për t’i paraqitur raportet e ekspertëve dhe materialet e tjera. Këto materiale, ata do të duhej t’i dorëzonin pasnesër, por thanë se nuk i kanë bërë ende gati.

Edhe avokatët tjerë janë ankuar se ZPS-ja po i shkel afatet në lidhje me dorëzimin e materialeve.

DUHET TË LEXONI

spot_img