Kim Kardashian ka reaguar me zemërim ndaj disa fallxhorëve, të cilët, sipas saj, e kishin mashtruar me parashikimet e tyre për provimin e jurisprudencës. Në një video të shpërndarë në rrjete sociale, ylli i “Keeping Up With the Kardashians” shihet duke bërë grim ndërsa ankohet për “parashikimet e rreme” që i kishin dhënë shpresë të kotë.
“Të gjithë fallxhorët e mallkuar me të cilët jemi takuar janë gënjeshtarë. Katër prej tyre më thanë se do ta kaloja provimin – gënjeshtarë patologjikë!”, tha ajo me ironi dhe nervozizëm.
Kardashian, e cila po ndjek rrugën drejt profesionit të avokates, konfirmoi pak ditë më parë se nuk e kishte kaluar provimin, por shtoi me humor: “Ende nuk jam avokate… thjesht luaj një me stil në TV”, duke iu referuar serialit të saj të ri , “All’s Fair”.
Në rrjetet sociale, reagimi i saj u bë viral, ndërsa fansat ndanë mendime të ndryshme për “luftën” e Kim me fallxhorët.
