Beyoncé ka mohuar thashethemet se do të nisë një turne në vitin 2025, duke theksuar se shfaqjet në mbështetje të albumit të saj të fundit, “Cowboy Carter”, nuk do të ndodhin.
Fansat kishin spekuluar se këngëtarja e hitit “Break My Soul” do të rikthehej në skenë pas performancës së saj në pushimin e mesit të ndeshjes së NFL për Krishtlindje, gjatë lojës midis Houston Texans dhe Baltimore Ravens. Meqenëse eventi zhvillohet në Houston, qyteti i lindjes së Beyoncé-s, pati spekulime se shfaqja do të çonte në shpalljen e një turneu më të madh. Megjithatë, përfaqësuesja e saj Yvette Noel-Schure, i hodhi poshtë këto zëra.
“E pavërtetë. Nuk ka asgjë për të raportuar këtu,” postoi ajo në X. “Kurdo që të ketë ndonjë lajm, do ta dëgjoni së pari nga burimi i drejtpërdrejtë.”
Së fundmi, u raportua se këngëtarja e “Break My Soul” pritet të kthehet në turne në vitin 2025, me rreth pesë data të planifikuara për stadiumin Tottenham Hotspur në veri të Londrës, si dhe me vende të tjera në Mbretërinë e Bashkuar.
“Beyoncé do të ndezë skenat,” ndanë disa burime. “Kërkesa për bileta do të jetë si ajo për Oasis dhe do të rivalizojë vrullin e fansave për të siguruar një vend. Viti 2025 do të jetë një vit i jashtëzakonshëm për muzikën live.”
Ylli amerikan kishte performuar së fundmi në Mbretërinë e Bashkuar në vitin 2023, ku turi i saj me tetë data në stadiume ndihmoi në përmirësimin e ekonomisë me 8 miliardë paund, sipas publikimeve, ndërsa fluksi i artistëve të mëdhenj që do të performojnë në 12 muajt e ardhshëm pritet të japë një nxitje të ngjashme.
Burimet shtojnë: “Oasis dhe Beyoncé janë në nivelin më të lartë dhe kërkesa për bileta do të jetë e ashpër. Mbi shtatë milionë njerëz tentuan të merrnin bileta për Oasis – dhe fansat e Beyoncé-s do të jenë po aq të shumtë dhe të zjarrtë.”
